God se Woord VARS vir jou Vandag

Send us Fan Mail
Kolossense 1:9 Daarom, van die dag af dat ons van julle gehoor het, hou ons ook nie op om vir julle te bid nie. Ons vra God dat Hy deur al die wysheid en insig wat die Gees gee, julle sy wil duidelik sal laat ken, 
Hoe vinnig gee jy moed op wanneer jy bid? Wanneer die antwoord nie kom nie - wanneer die lewe swaar bly, wanneer dit voel of God stil geword het - hou jy aan, of hou jy bloot op vra?
Jy het my dalk al vantevore dit hoor sê, maar ek sê dit weer: Ek het vroeër Christene gehaat — mense wat met die Bybel onder die arm rondloop; almal so hoog-heilig en beterweterig. Maar toe ek, nie lank nadat ek ernstig selfmoord oorweeg het nie, die ongelooflike liefde van God in Jesus Christus ontdek het … het ek uitgevind dat een egpaar vir agtien jaar lank vir my gebid het.
Ek was 'n moeilike kalant, ‘n taai toffie om te kou, maar hulle het nie opgehou bid nie. En … hier is ons vandag. Die apostel Paulus het eenkeer hierdie woorde aan die gelowiges in Kolosse geskryf — mense wat hy nie eers geken het nie:
Kolossense 1:9 Daarom, van die dag af dat ons van julle gehoor het, hou ons ook nie op om vir julle te bid nie. Ons vra God dat Hy deur al die wysheid en insig wat die Gees gee, julle sy wil duidelik sal laat ken,
Dink net daaraan: Van die dag dat ons van julle gehoor het... Paulus het nie net een keer gebid en aanbeweeg nie. Hy het aangehou — dag ná dag — en God gevra om hulle met sy wil, sy wysheid en sy Heilige Gees te vul.
Dit is een van die kragtigste gebede wat jy ooit kan bid — nie vir jou of iemand anders se gemak of voordeel nie, maar vir insig, rigting en geestelike wysheid. Want wanneer ‘n mens God se Stem hoor en in sy wysheid wandel, volg die vrugte vanself.
So, moenie opgee nie. Wanneer jy vir iemand bid — 'n wegloperkind, die redding van 'n geliefde, of die herstel van 'n verhouding — hou aan. Wanneer jy bid vir jou eie deurbraak — 'n dieper verhouding met God, 'n finansiële uitdaging, of 'n gesondheidsprobleem — staan vas.
God se tydlyn is beslis nie ons s'n nie — maar dis altyd die moeite werd om op sy antwoorde te wag. 
Dit is God se Woord...Vars...vir jou...vandag.
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us Fan Mail
Johannes 15:12-13 Dit is my opdrag: Julle moet mekaar liefhê soos Ek julle liefhet. Niemand het groter liefde as dit nie: dat hy sy lewe vir sy vriende aflê. 
Elke jaar, op die elfde uur van die elfde dag van die elfde maand, staan mense vir 'n oomblik stil — hulle herdenk die dapper manne wat tydens die oorlog gesneuwel het. Maar hierdie herinnering gaan nie oor die geskiedenis nie; dit gaan oor ‘n oomblik om na te dink aan iets heiligs — die moed om ons lewens vir mekaar af te lê.
My vriend, Anthony Cheesman, het hierdie Gedenkdag van die elfde November so mooi verwoord. Hy het geskryf: Niemand wen ooit in ’n oorlog nie — nie die soldate of die gewone mense nie … maar tog was mense oor en oor bereid om op te staan en te dien. Hulle het daardie egte vasbyt-gees gewys toe dinge rof en vreesaanjaend geword het. Behalwe vir hierdie mooi eienskappe, sien ’n mens in hulle diens en opoffering ook ’n geweldige diep pligsbesef.
En daardie pligsbesef — wat eintlik net liefde is wat deur opoffering gewys word — herinner ’n mens aan iets wat baie dieper is. Kom ons lees wat Jesus gesê het in:
Johannes 15:12-13 Dit is my opdrag: Julle moet mekaar liefhê soos Ek julle liefhet. Niemand het groter liefde as dit nie: dat hy sy lewe vir sy vriende aflê.
Toe Jesus aan die kruis gesterf het, het Hy nie sommer net gewys hoe dapper Hy is nie; Hy het gewys hoe lyk egte, goddelike liefde — liefde wat red, liefde wat herstel en liefde wat ons uitdaag om ander mense te dien. 
Vandag is mense mal oor hulleself — behep met hoe hulle lyk, hoe hulle veilig kan wees en hoe gemaklik hulle kan lewe. Maar Jesus roep jou en my om te onthou: ware liefde kos altyd iets.
Sy dood was nie net ons redding nie, dit was 'n uitnodiging. 'n Uitnodiging om onsself te gee; vol moed te dien en onvoorwaardelik lief te hê. So, terwyl ons vandag dink aan die mense wat gesterf het, laat ons ook dink aan die Een wat vir óns gesterf het — en opstaan om te lewe soos Hy gelewe het.
Sodat ons nie vergeet nie. 
Dit is God se Woord...Vars...vir jou...vandag.
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us Fan Mail
Efesiërs 2:8-10 Julle is inderdaad uit genade gered, deur geloof. Hierdie redding kom nie uit julleself nie; dit is 'n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie. 
Het jy al ooit gewonder hoekom jy hier is? Nie net wat jy doen nie, maar hóékom. Want wanneer die lewe rigtingloos voel, begin daardie vraag diep binne-in jou knaag. Jy weet jy is vir iets meer gemaak — maar wat is dit presies? 
Ek het as 'n tiener vir Jesus as my Verlosser aangeneem. Maar soos wat ek aanbeweeg het na my tersiêre studies, loopbaan, gesinsverantwoordelikhede en die groot huisverband, het ek weggedryf. Later het dit so erg geword dat daardie swaar las my net platgetrek het. Ek het begin wonder: As God werklik bestaan, hoekom is ek hoegenaamd hier? My lewe maak geen sin nie.
Toe ek uiteindelik weer my pad teruggevind het na Christus, het dinge skielik begin sin maak. Terwyl ek besig was met my teologiese studies, is ek gelei om presies te doen wat ek nou hier saam met jou doen — om die Goeie Nuus van Jesus met jou en soveel ander mense oor die hele wêreld te deel. 
Dis asof ek hiervoor gemaak is. En weet jy wat? Ek ís … net soos wat ons almal vir iets spesifieks ontwerp is.
Efesiërs 2:8-10 Julle is inderdaad uit genade gered, deur geloof. Hierdie redding kom nie uit julleself nie; dit is 'n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie.
God het jou nie net uit iets gered nie; Hy het jou vír iets gered.
Jy is sy kunswerk — sy handgemaakte ontwerp. Die genade wat jou deur Jesus se dood en opstanding gered het, is dieselfde genade wat jou toerus vir 'n doel wat net jy kan vervul.
Moet dus nie jou lewe mors deur net gemaklik te wees of om jouself met ander te vergelyk nie. Pak die goeie dade wat Hy vir jou voorberei het, dapper aan. Jou lewensdoel is nie ’n glips nie — dis die lewende bewys dat God se genade vandag deur jou in hierdie wêreld werk.
Dit is God se Woord...Vars...vir jou...vandag. 
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us Fan Mail
1 Petrus 5:8-9 Wees nugter, wees wakker! Julle vyand, die duiwel, loop rond soos 'n brullende leeu, op soek na iemand om te verslind. Bly standvastig in die geloof en staan hom teë. En moenie vergeet nie: dwarsdeur die wêreld moet julle medegelowiges dieselfde soort lyding verduur. 
Daar is oomblikke in die lewe wat 'n mens heeltemal kaalgestroop voel — wanneer teleurstelling, siekte, verlies of verraad jou heeltemal van jou selfvertroue beroof. En in daardie oomblikke van broosheid kan jy amper voel hoe die donkerte op jou toesak. Dit is nie net ‘n oppervlakkige ding nie; dit gaan  in der waarheid baie dieper as dit. 
'n Vriend van my het onlangs deur 'n geweldige rowwe tyd van uitbranding gegaan. Hy was sy hele lewe lank sterk — betroubaar, bekwaam, die rots waarop ander altyd kon leun. Maar toe die uitputting tref, was dit nie net fisies nie. Dit was asof sy hele gees en gedagtes aangeval is.
Hy het vir my gesê: Dit het gevoel of iets my heeltemal wou verpletter — asof dit my wou oortuig dat ek klaar is met die lewe. Dit is toe dat hy oor daardie situasie begin bid het. Nie mooi, ordentlike gebede nie, maar gebede uit pure desperaatheid — terwyl hy God se beloftes dag ná dag hardop vir homself herhaal het. Stadig maar seker het iets verander. Die druk het nie sommer net oorgewaai nie, maar hy het weer die krag begin voel wat hom nog altyd gehelp het — krag wat nuut gemaak is bloot deur vas te byt in sy geloof.
1 Petrus 5:8-9 Wees nugter, wees wakker! Julle vyand, die duiwel, loop rond soos 'n brullende leeu, op soek na iemand om te verslind. Bly standvastig in die geloof en staan hom teë. En moenie vergeet nie: julle medegelowiges oor die hele wêreld ervaar dieselfde soort lyding.
Miskien sien jy nie die geestelike stryd agter jou swaarkry raak nie, maar dis beslis daar. Gelukkig is jou geloof nie sommer net ’n brose dingetjie nie. Dis jou kragbron — die krag wat maak dat jy bly staan as die vyand om jou brul. Wanneer jy in jou lyding op Jesus vertrou, probeer jy nie net kop bo water hou nie. Jy word deel van ’n wêreldwye leër van sy dissipels, en jy sien dat God se krag altyd langer as die storm hou.
Wees nugter, wees wakker!
Dit is God se Woord...Vars...vir jou...vandag.
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY

Send us Fan Mail
Efesiërs 1:18 Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, 
Ons leef in ’n wêreld wat behep is met méér — meer geld, meer dinge, groter populariteit. En tog, ten spyte van al ons oorvloed, loop ons heeltyd rond met hierdie vrees vir ‘n tekort: Sê nou ek verloor alles? Sê nou ek het nie genoeg nie? So, hier is die vraag: Sê nou ware rykdom het niks te doen met wat jy besit nie — maar met dít wat jy reeds het? 
Stel jou voor iemand wen die lotto — miljoene rande — maar vergeet om sy kaartjie na te gaan. Vir jare leef hy van die hand na die tand, bekommer hom oor rekeninge en voel brandarm, terwyl ondenkbare rykdom net so onopgeëis in die boonste laai van sy bedkassie lê.
Volgens die apostel Paulus is dit presies hoe ons leef. Die meeste van ons leef heeltemal onbewus van die rykdom wat in Christus reeds ons s’n is — vrede wat te midde van chaos hou; vergifnis wat jou vrymaak; hoop wat langer as pyn hou, en die krag om heilig te lewe.
Ons jaag die wêreld se erkenning en trofees ná, terwyl die ware skat wag om ontdek te word in die verhouding wat ons reeds klaar met God het. Hier is Paulus weer:
Efesiërs 1:18: Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het,
Daardie seëninge is nie bankrekeninge of titels nie. Dit is genade, vergifnis, om êrens te behoort, en doelgerigtheid — skatte wat nooit vervaag nie. Miskien voel jy vandag misken, minderwaardig of onseker oor môre. Tog besit jy in Christus reeds al die rykdom van die hemel — liefde wat jy nooit kan verloor nie, hoop wat nie geskud kan word nie, en ’n lewe wat nooit opraak nie. 
So, hier is my gebed vir jou: Dat jy sal weet watter rykdom en heerlikheid daar in sy erfenis vir die gelowiges is. 
Dis God se Woord. VARS … vir jou … vandag.
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY